130 жилийн түүхтэй Van Cleef & Arpels
- Mar 19
- 2 min read
Updated: Mar 20
Хаадын өргөөнөөс улаан хивс хүртэл
Баян, алдартнуудад хайрлагдсан Van Cleef & Arpels-ийн үнэт эдлэлүүд хааны ёслол, улаан хивсний ёслолуудад олон удаа гялалзаж байв. Францын дээд зэрэглэлийн үнэт эдлэлийн энэхүү брэндийн үйлчлүүлэгчдийн нэрс нь Холливуудын алдартнууд, улс орнуудын хаадын гэр бүл, загварын чиг хандлагыг тодорхойлогчидоор дүүрэн байдаг.
Van Cleef & Arpels-ийн алдартай үйлчлүүлэгчид
Van Cleef & Arpels үнэт эдлэл нь Alhambга цуглуулга гэх мэт алдартай үнэт эдлэлүүдээрээ загварын түүхэн дэх байр сууриа бататгаад зогсохгүй орчин үеийн чиг хандлагыг тодорхойлж, тансаг үнэт эдлэлийн салбарт шинэ эхлэлийг тавьж байна.
Alhambra® коллекцийн түүх
Van Cleef & Arpels-ын хувьд аз хийморь нь байнгын чиглүүлэгч гэрэл мэт үнэт чанар байсан бөгөөд энэ нь тус брэндийн хамгийн алдартай бүтээлүүдийн нэгэнд урам зориг өгсөн билээ. Дөрвөн навчит хошоонгорын хээ анх 1920-иод оны үед тус брэндийн архивт гарч ирсэн бөгөөд модон сахиус, дурсгалт эдлэл, ивээлт дагина зэрэг бусад азын билгэдлийн хамт олон жилийн турш бүтээлүүдийг чимэглэж иржээ. Үүсгэн байгуулагч хосын зээ хүү, цуглуулга сонирхогч Жак Арпелс өөрийн цэцэрлэгт дөрвөн навчит хошоонгор түүж, ажилчдадаа азын бэлгэдэл болгон бэлэглэдэг байв.
1968 онд Maison анхны Alhambra® урт зүүлтийг бүтээсэн бөгөөд энэ нь үрчлээстэй шар алтаар хийсэн, алтан бөмбөлгөөр чимэглэсэн 20 ширхэг дөрвөн навчит хошоонгорын хэлбэртэй хээгээр бүрджээ. Энэхүү билэгдэлт загвар нь даруй амжилт олж, дэлхий даяар азын бэлгэ тэмдэг төдийгүй Van Cleef & Arpels-ийн таних тэмдэг болж хүлээн зөвшөөрөгдсөн юм.
HISTORY
1895 онд Парист үнэт чулууны худалдаачны охин Эстел Арпеле очир эрдэнийн зуучлагчийн хүү Альфред Ван Клифтэй гэрлэжээ. Хосуудын гэр бүлсэг байдал, шинийг санаачлах эрмэлзэл, үнэт чулуунуудын төлөөх хүсэл зэрэг дундын үнэ цэн ижил байсан нь энэхүү түүхийн эхлэл болжээ. Тэд 1906 онд анхны дэлгүүрээ Парисын тансаг зэрэглэлийн топд нээсэн бөгөөд тэрхүү домогт байршлаасаа огт хөдлөлгүй өнөөг хүрчээ.
VAN CLEEF & ARPELS ОНЦГОЙ БОЛГОДОГ ЗҮЙЛ ЮУ ВЭ?
Van Cleef & Arpels-ийг бусдаас ялгаруулдаг зүйл нь түүний хачирхалтай дизайныг чухал хөрөнгө оруулалттай дүйцүүлэх чадвар юм. Гаргасан бүтээл бүр нь тансаг эрдэнийн чулуу, нарийн гар урлалын гайхамшиг төдийгүй бүтээлч байдал, инновацийн үзэсгэлэн юм. Энэхүү хосгүй чанарын нэгдэл нь хөрөнгө оруулалтын үнэ цэнийг бий болгодог.
Үнэт эрдэнийн чулуу, нарийн хийцлэл нь тэдний ялгарах онцлог хэдий ч өнгөрсөн зууны түүх, гоо зүйн тухай үзэл баримтлалдаа үнэнч байж ирсэн нь тэдний хосгүй үнэт зүйлс болжээ.
